Хориждаги кучли ҳуқуқ мактаблари (айниқса Гарвард ҳуқуқ мактаби, Йель ҳуқуқ мактаби ва Оксфорд университети ҳуқуқ факультети) қайси жиҳатлари билан кучли бўлиб қолишмоқда:
“Иш орқали ўрганиш” тизими. Нима бу? Талабалар қонунни тайёр матн сифатида эмас, балки суд қарорлари орқали ўрганади.
Нега кучли? Ҳар бир дарс реал суд иши таҳлили. Профессор талабани “сўроқ қилади”. Мантиқий фикрлаш ва ҳуқуқий аргументация шаклланади. Масалан, Гарвардда талабалар биринчи курсданоқ юзлаб прецедент ишларни таҳлил қилади. Бу “қонун ёдлаш” эмас , “ҳуқуқий фикрлаш”ни ўргатади.
Клиник таълим. Нима бу? Талаба реал мижозлар билан ишлайди.
Нега кучли? Реал жиноят ёки фуқаролик ишларида иштирок. Процессуал ҳужжатлар тайёрлаш. Судда чиқиш тажрибаси.
Йель ҳуқуқ мактабида айрим талабалар Олий судгача етган ишлар устида ишлаган. Гарвард клиникалари инсон ҳуқуқлари, коррупция, халқаро ҳуқуқ каби йўналишларда фаол. Бу ерда назария амалиёт билан боғланади.
Глобал таъсир ва тармоқ. Нима бу? Бу мактаблар битирувчилари судьялар, президентлар, халқаро судлар аъзолари.
Нега кучли? Битирувчилар тармоғи жуда кучли. Илмий тадқиқот марказлари дунё сиёсатига таъсир қилади. Профессорлар амалий сиёсат ва суд амалиётида иштирок этади.
АҚШ Олий суди аъзоларининг катта қисми Гарвард ёки Йель битирувчилари. Оксфорд ҳуқуқ мактаби халқаро ҳуқуқ соҳасида жаҳон етакчиларидан.




